Çoxsaylı şikayətlərin, mətbuatda yazıların verilməsi, Dövlət Neft Şirkətinin müvafiq qurumları ilə danışıqların nəticəsi olaraq, 2010-cu ilin mart ayında Bakıdan verilən tapşırıq əsasında Dövlət Torpaq və Xəritəçəkmə Komitəsinin Hacqabul rayon Torpaq şöbəsinin müdiri Məməd Qəfərov, Rayon İcra Hakimiyyəti başçısının 1-ci müavini Sahib Aslanov, Rayon inzibat ərazi vahidi üzrə Rəncbər kənd nümayəndəsi Xəlfəli İsrafilov, Rəncbər kənd bələdiyyəsinin sədri Ramazan Avvasovdan ibarət komissiya Rəncər kəndinə gələrək Qalmaz 47-ci km.-Qazıməmməd Qaz kəmərinin tikildiyi və xüsusi mülkiyyətdə olan torpaqlara baxış keçirib və ölçmə işləri həyata keçiriblər. Komissiya tikinti zolağına daxil olan sahələrin sahəsini müəyyən edərək müvafiq akt hazırlayıb. Halbuki indiyədək dövlət orqanları tikintinin xüsusi mülkiyyyətdə olan torpaq sahələrindən keçmədiyini bildirirdilər və bununla bağlı Rəncbər Kəndində yerləşən Mədən sənayesinin təsirlərinə Vətəndaş Nəzarəti şəbəkəsinin nümayəndələrinə rəsmi məktub göndərmişdilər.

Rəncbər kəndi də daxil olmaqla neft və qaz kəmərlərinin keçdiyi ərazilərdə mülkiyyətçilərin maraqlarını müdafiə edən Vətəndaşların Əmək Hüquqlarını Müdafiə Liqası hazırda Səngəçal-Qazıməmməd Yüksək təzyiqli magistral Qaz Kəmərinin və Qalmaz 47-ci km.-Qazıməmməd Qəz kəmərinin tikintisi zamanı de-fakto özgənikiləşdirilmiş torpaq sahələrinin mülkiyyətçiləri üçün məhkəməyə iddialar hazırlamaqdadır. 25 nəfər mülkiyyətçi üçün hazırlanacaq iddianın ümumi dəyəri 500 000 manadan artıq olacaq.

Dövlət Neft Şirkəti və ya İcra hakimiyyəti orqanları Qalmaz 47-ci km.-Qazıməmməd Qaz kəmərinin keçdiyi sahələrin mülkiyyətçilərinə məhkəməyə qədər ədalətli kompensasiyalar ödəəyəcəyi təqdirdə mülkiyyyətçilərlə razılaşmaqla Vətəndaşların Əmək Hüquqlarını Müdafiə Liqsı iddiadan imtina edə bilər. Bu zaman Səngəçal-Qazıməmməd Qaz kəmərinin keçdiyi torpaqların mülkiyyətçilərinin hüquqlarının bərpa olunması məqsədi ilə məhkəmə prosesi davam etdiriləcək.

Xatırladırıq ki, hər iki məhkəmə işi strtateji məhkəmə işidir. Belə ki, məhkəmənin müsbət qərarı növbəti prisident yaradacaq və çoxsaylı insanların maraqlarının təmin olunmasına, həmçinin normativ sənədlərdə dəyişikliklərin baş verməsinə gətiib çıxaracaq.

Aşağıdakı əlaqə vasitələrindən istifadə etməklə əlavə məlumat əldə edə bilərsiniz
Sahib Məmmədov (VƏHML) - (99 412) 418 68 08, e-mail: sahib.mammadov@gmail.com

Çap üçün versiya

Geri qayitmaq