19.02.2010. Bu gün İnsan Hüquqları Evləri Şəbəkəsi (Norveç), Hüquq Maarifçiliyi Cəmiyyəti və İnsan Hüquqları Evinin birgə reallaşdırdığı layihə çərçivəsində Beynəlxalq İnsan Hüquqları üzrə distansion kursun iştirakçıları üçün ilk təlimə start verilib. Postsovet məkanında ilk dəfə həyata keçirilən bu proqram 4 ölkəni – Azərbaycan, Rusiya, Belorusiya və Gürcüstandan olan 100-dən çox hüquqşünası əhatə edəcək. Kursun təşkilində məqsəd Azərbaycanda huquqşünasların insan huquqlarının müdafiəsinin beynəlxalq mexanizmləri sahəsində bilik və bacarıqlarının daha da təkmilləşdirilməsinə şərait yaratmaqdır. Kurs proqramını Avropa Humanitar Universiteti (Vilnius, Litva) sertifikatlaşdırır.

Kurs bir neçə mərhələdən ibarət olacaq. İlkin mərhələdə kursda iştirak üçün ərizə verənlərin sırasından 30 nəfər seçilib. Onlar bir il müddətində distansion təhsil kursunda insan hüquqlarının müxtəlif sahələri üzrə bilgi və vərdişlərini artıracaqlar.

Üç gün davam edəcək ilk təlimdə distansion kursun əhatə edəcəyi əsas mövzular, tətbiq olunacaq metodologiya, qiymətləndirmənin kriteriyyaları, modulda iş və digər mövzular ətrafında müzakirələr olacaq.

Hüquq Maarifçiliyi Cəmiyyətinin
İnformasiya xidməti

Çap üçün versiya

Geri qayitmaq