Qurumun üzvlərinin 3-cü Ümumi Yığıncağı martın ikinci yarısında keçiriləcək

Azərbaycan Hüquqşünasları Forumunun (AHF) Sədrlər Şurasının fevral ayında keçirilən son toplantısında AHF-nin üzvlərinin 3-cü Ümumi yığıncağının 2010-cu ilin mart ayının ikinci yarısında keçirilməsi qərara alınıb (yığıncağın dəqiq vaxtı növbəti toplantıda müəyyənləşdiriləcək). Sədrlər Şurası təşkilatdaxili demokratiyanın daha da genişləndirilməsi, AHF-nin ümumi yığıncağının işinin daha səmərəli təşkili məqsədilə qərara alıb ki, təşkilatın bütün seçkili orqanlarına namizədlər toplantıya qədər irəli sürülsün ki, onlar mətbuat orqanlarında öz platformaları ilə təşkilatın digər üzvlərini tanış edə bilsinlər.

Həmin qərara uyğun olaraq AHF-nin Sədrlər Şurası İdarə Heyətinə namizədlərin irəli sürülməsi barədə təklif və müraciətlərin qəbul edilməsinə başlandığını bildirir. Həmin məlumatları faks, elektron poçt və ya bilavasitə AHF-yə təqdim etmək olar.

Namizədlər həm təşkilatlar, həm də fərdi qaydada irəli sürülə bilər. AHF-nin hər bir üzvü təşkilatın seçkili orqanlarına öz namizədliyini irəli sürə bilər.

Namizədliyin irəli sürülməsi barədə təklifdə (müraciətdə) namizədliyi irəli sürülən şəxsin (əgər mümkünsə, onun qısa avtobioqrafiyası (7-10 cümlədə) göstərilir; bu məlumat Azərbaycan Hüquqşünasları Forumunun saytında (www.lawyersforum.az) və AHF-yə üzv olan təşkilatların resurs mərkəzlərində yerləşdiriləcək) və onun namizədliyini irəli sürən şəxsin adı, atasının adı, soyadı və ya təşkilatın adı göstərilir (təklifin nümunəsi aşağıda təqdim edilir).

Namizədlərin irəli sürülməsi mart ayının 10-da başa çatacaq. Namizədliyi irəli sürülən şəxslərin məlumatları AHF-nin və onun üzvü olan təşkilatların saytında saytında yerləşdiriləcək.

Əlaqə məlumatları:
ünvan: Bakı şəhəri, Şamil Əzizbəyov küçəsi 199, mənzil 7,
telefonlar: 498 81 75, 498 94 80,
faks: 449 81 92
email: legal@azeurotel.com
www.lawyersforum.az
Əlaqəli şəxs: Selcan Məmmədli



1 saylı Əlavə

Azərbaycan Hüquqşünaslar Forumunun
Sədrlər Şurasına

Azərbaycan Hüquqşünaslar Forumunun üzvlərinin ayının 19-da keçiriləcək toplantısında seçiləcək İdarə Heyətinə Kərimov Əyyub Zakir oğlunun namizədliyini irəli sürürəm.

Kərimov Əyyub Zakir oğlunun qısa tərcümeyi halı:
18 may 1958-ci ildə Qax rayonunda anadan olub.
1991-ci ildə Bakı Dövlət Universitetinin hüquq fakültəsini bitirib.
1981-90-cı illərdə Suraxanı rayon məhkəməsində iclas katibi işləyib. 1990-1992-cı illərdə «Ədalət» qəzetində müxtəlif vəzifələrdə çalışıb. 1992-ci ilin aprelindən «Femida» qəzetinin baş redaktorudur.
1992-ci ildə «Azərnəşr» tərəfindən «Kor güllə yarası», 1997-ci ildə «Azərbaycan» nəşriyyatında «Qanuna hörmət qanunu» adlı publisistik qeydlər kitabları çapdan çıxıb.
«Qızıl qələm» və «Dan ulduzu» mükafatları laureatıdır.
Mətbuat Şurasının Hüquq komissiyasının sədridir. 2003-cü ilin may ayının 19-da AHF-nın İdarə Heyətinin üzvü iyun ayında isə Sədrlər Şurasının üzvü seçilib.
Ailəlidir, 1 oğlu, 1 qızı var.

Rəşid Ramazan oğlu Hacıyev,
AHF-nun Sədrlər Şurasının üzvü, Media Hüququ İnstitunun direktoru

20 fevral 2010-cu il



2 saylı Əlavə

Azərbaycan Hüquqşünaslar Forumunun
Sədrlər Şurasına

Mən, Azərbaycan Hüquqşünaslar Forumnun üzvü Məmmədov Ülfət Ramiz oğlu AHF-nin üzvlərinin ayının 19-da keçiriləcək toplantısında seçiləcək İdarə Heyətinə öz namizədliyimi irəli sürürəm.

Qısa tərcümeyi halım:
1 mart 1962-ci ildəŞəki rayonunda anadan olmuşam.
1996-ci ildə Bakı Dövlət Universitetinin hüquq fakültəsini bitirmişəm.
1997-cı ildən bu günə qədər Nəsimi rayon məhkəməsində məhkəmə iclas katibi işləyirəm.
Ailəliyəm, 2 oğlum var.

Məmmədov Ülfət Ramiz oğlu

23 fevral 2010-cu il


3 saylı Əlavə

Azərbaycan Hüquqşünaslar Forumunun
Sədrlər Şurasına

Azərbaycan Hüquqçular Assosiasiyası AHF-nin üzvlərinin ayının 19-da keçiriləcək toplantısında seçiləcək İdarə Heyətinə aşağıdakı şəxslərin namizədliyini irəli sürür:

1. Hüseynov Fərman Məhəm oğlu
14 sentyabr 1961-ci ildə Qazax şəhərində anadan olub.
1992-ci ildə Moskva Hüquq İnstitutunu bitirib.
1998-ci ildən «Barrister» hüquq firmasının icraçı direktorudur.
Ailəlidir, 2 oğlu var.

2. Mirkamal Vidadi Mircamal oğlu
25 dekabr 1954-cü ildə Gəncə şəhərində anadan olub. ADU-nun hüquq fakültəsinin əyani şöbəsini bitirib.
1978-2001-ci illərdə hüquq fakültəsinin baş müəllimi, 1990-1992-ci illərdə hüquq fakültəsində dekan müavini işləyib. 1992-2000-ci illərdə Azərbaycan Respublikasının İqtisad Məhkəməsinin sədrinin müavini, təsərrüfat mübahisələrinin həlli üzrə kollegiyanın sədri işləyib.
2000-ci ildən indiyədək «Arbitr» hüquq şirkətinin prezidentidir.
Mülki prosessual hüquq, arbitraj prosesi, təsərrüfat hüququ üzrə 50-dək elmi əsərləri vardır. «Arbitraj prosesi», «Müqavilə hüququ», «Kommersiya hüququ», «Azərbaycan Respublikasının Mülki-Prosessual Məcəlləsinin elmi-praktiki kommentariyası» kitablarının müəlliflərindən biridir. İstefada olan ədliyyə generalıdır.
Ailəlidir, 2 oğlu və 1 qızı var.

25 fevral 2010-cu il

AHA-nın prezidenti
Ənnağı Hacıbəyli

Çap üçün versiya

Geri qayitmaq